ஜிவி பிரகாஷ் நடிப்பில், சதிஷ் செல்வக்குமார் இயக்கத்தில் கடந்த 2021ஆம் ஆண்டு வெளியான படம் பேச்சிலர். இந்தப் படம் பெரும் வரவேற்பைப் பெற்றது. குறிப்பாக படத்தில் நடித்த நாயகி திவ்யபாரதி ரசிகர்களின் கவனத்தை ஈர்த்தார். அதுதான் அவருக்கு முதல் படம் என்பது குறிப்பிடத்தக்கது. அதன் பிறகு அவர் சில படங்களில் நடித்துவருகின்றார். கோயம்புத்தூரை பூர்வீகமாக கொண்ட திவ்யபாரதி அவ்வப்போது இன்ஸ்டாகிராமில் தனது புகைப்படங்களை பதிவேற்றுவதும் வழக்கம். அந்தப் படங்களில் சில சமயம் கவர்ச்சி தூக்கலாகவே இருக்கும். அந்தப் புகைப்படங்களை ரசிகர்கள் கொண்டாடுவதும் உண்டு.
