என்றென்றும் புன்னகை, மனிதன் போன்ற படங்களை இயக்கிய அஹமத் இயக்கத்தில் ரிலீஸ்க்கு தயாராகி வரும் படம் இறைவன். தனி ஒருவன் படத்திற்கு பிறகு ஜெயம் ரவி, நயன்தாரா இணைந்து இப்படத்தில் நடிக்கின்றனர். பேஷன் ஸ்டுடியோஸ் தயாரிக்க, யுவன் சங்கர் ராஜா இசையமைக்கிறார். அதிரடி ஆக் ஷன் கலந்த திரில்லர் படமாக உருவாகி உள்ளது. படப்பிடிப்பு முடிந்து ரிலீஸ் தொடர்பான பணிகள் நடக்கின்றன. இந்த நிலையில் இந்த படத்தின் ரிலீஸ் தேதி குறித்து அறிவிப்பு வெளியாகியுள்ளது. அதன்படி, இந்த படத்தை வருகின்ற ஆகஸ்ட் மாதம் 25ம் தேதி தமிழ், தெலுங்கு, மலையாளம், கன்னடம் என நான்கு மொழிகளில் வெளியாகும் என்று புதிய போஸ்டர் உடன் அதிகாரப்பூர்வமாக அறிவித்துள்ளனர்.
